(ข) โย วา ปน อญฺญาตาวินฺทฺริยํ สจฺฉิกริสฺสติ โส อญฺญินฺทฺริยํ ภาเวสฺสตีติ?

อคฺคมคฺคสมงฺคี อญฺญาตาวินฺทฺริยํ สจฺฉิกริสฺสนฺติ, โน จ อญฺญินฺทฺริยํ ภาเวสฺสนฺติฯ สตฺต ปุคฺคลา อญฺญาตาวินฺทฺริยญฺจ สจฺฉิกริสฺสนฺติ อญฺญินฺทฺริยญฺจ ภาเวสฺสนฺติฯ (อญฺญินฺทฺริยมูลกํ)

(ข) ปจฺจนีกํ

[455] (ก) โย จกฺขุนฺทฺริยํ น ปริชานิสฺสติ โส โทมนสฺสินฺทฺริยํ นปฺปชหิสฺสตีติ? อามนฺตาฯ

(ข) โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิสฺสตีติ?

ทฺเว ปุคฺคลา โทมนสฺสินฺทฺริยํ นปฺปชหิสฺสนฺติ, โน จ จกฺขุนฺทฺริยํ น ปริชานิสฺสนฺติฯ ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานิสฺสนฺติฯ

(ก) โย จกฺขุนฺทฺริยํ น ปริชานิสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติฯ อามนฺตาฯ

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานิสฺสตีติฯ

ฉ ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ จกฺขุนฺทฺริยํ น ปริชานิสฺสนฺติฯ ตโย ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิสฺสนฺติฯ

(ก) โย จกฺขุนฺทฺริยํ น ปริชานิสฺสติ โส อญฺญินฺทฺริยํ น ภาเวสฺสตีติ? อามนฺตาฯ

(ข) โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานิสฺสตีติ? อามนฺตาฯ

(ก) โย จกฺขุนฺทฺริยํ น ปริชานิสฺสติ โส อญฺญาตาวินฺทฺริยํ น สจฺฉิกริสฺสตีติ?

อคฺคมคฺคสมงฺคี จกฺขุนฺทฺริยํ น ปริชานิสฺสติ, โน จ อญฺญาตาวินฺทฺริยํ น สจฺฉิกริสฺสติฯ ทฺเว ปุคฺคลา จกฺขุนฺทฺริยญฺจ น ปริชานิสฺสนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิสฺสตีติ? อามนฺตาฯ (จกฺขุนฺทฺริยมูลกํ)

[456] (ก) โย โทมนสฺสินฺทฺริยํ นปฺปชหิสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตาฯ

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิสฺสตีติ?

จตฺตาโร ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิสฺสนฺติ ฯ ปญฺจ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิสฺสนฺติฯ

(ก) โย โทมนสฺสินฺทฺริยํ นปฺปชหิสฺสติ โส อญฺญินฺทฺริยํ น ภาเวสฺสตีติ?

ทฺเว ปุคฺคลา โทมนสฺสินฺทฺริยํ นปฺปชหิสฺสนฺติ, โน จ อญฺญินฺทฺริยํ น ภาเวสฺสนฺติฯ ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิสฺสตีติ? อามนฺตาฯ

(ก) โย โทมนสฺสินฺทฺริยํ นปฺปชหิสฺสติ โส อญฺญาตาวินฺทฺริยํ น สจฺฉิกริสฺสตีติ?

ตโย ปุคฺคลา โทมนสฺสินฺทฺริยํ นปฺปชหิสฺสนฺติ, โน จ อญฺญาตาวินฺทฺริยํ น สจฺฉิกริสฺสนฺติฯ ทฺเว ปุคฺคลา โทมนสฺสินฺทฺริยญฺจ นปฺปชหิสฺสนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหิสฺสตีติ? อามนฺตาฯ (โทมนสฺสินฺทฺริยมูลกํ)

[457] (ก) โย อนญฺญาตญฺญสฺสามีตินฺทฺริยํ น ภาเวสฺสติ โส อญฺญินฺทฺริยํ น ภาเวสฺสตีติ?

ฉ ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ อญฺญินฺทฺริยํ น ภาเวสฺสนฺติฯ ตโย ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ อญฺญินฺทฺริยญฺจ น ภาเวสฺสนฺติฯ

(ข) โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตาฯ

(ก) โย อนญฺญาตญฺญสฺสามีตินฺทฺริยํ น ภาเวสฺสติ โส อญฺญาตาวินฺทฺริยํ น สจฺฉิกริสฺสตีติ?

สตฺต ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ อญฺญาตาวินฺทฺริยํ น สจฺฉิกริสฺสนฺติฯ ทฺเว ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตาฯ (อนญฺญาตญฺญสฺสามีตินฺทฺริยมูลกํ)

[458] (ก) โย อญฺญินฺทฺริยํ น ภาเวสฺสติ โส อญฺญาตาวินฺทฺริยํ น สจฺฉิกริสฺสตีติ?

อคฺคมคฺคสมงฺคี อญฺญินฺทฺริยํ น ภาเวสฺสติ, โน จ อญฺญาตาวินฺทฺริยํ น สจฺฉิกริสฺสติฯ

ทฺเว ปุคฺคลา อญฺญินฺทฺริยญฺจ น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติฯ

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวสฺสตีติ? อามนฺตาฯ (อญฺญินฺทฺริยมูลกํ)

4. ปจฺจุปฺปนฺนาตีตวาโร

(ก) อนุโลมํ

[459] (ก) โย จกฺขุนฺทฺริยํ ปริชานาติ โส โทมนสฺสินฺทฺริยํ ปชหิตฺถาติ? อามนฺตาฯ

(ข) โย วา ปน โทมนสฺสินฺทฺริยํ ปชหิตฺถ โส จกฺขุนฺทฺริยํ ปริชานาตีติ?

ทฺเว ปุคฺคลา โทมนสฺสินฺทฺริยํ ปชหิตฺถ, โน จ จกฺขุนฺทฺริยํ ปริชานนฺติฯ อคฺคมคฺคสมงฺคี โทมนสฺสินฺทฺริยญฺจ ปชหิตฺถ จกฺขุนฺทฺริยญฺจ ปริชานนฺติฯ

(ก) โย จกฺขุนฺทฺริยํ ปริชานาติ โส อนญฺญาตญฺญสฺสามีตินฺทฺริยํ ภาวิตฺถาติ? อามนฺตาฯ

(ข) โย วา ปน อนญฺญาตญฺญสฺสามีตินฺทฺริยํ ภาวิตฺถ โส จกฺขุนฺทฺริยํ ปริชานาตีติ?

ฉ ปุคฺคลา อนญฺญาตญฺญสฺสามีตินฺทฺริยํ ภาวิตฺถ, โน จ จกฺขุนฺทฺริยํ ปริชานนฺติฯ อคฺคมคฺคสมงฺคี อนญฺญาตญฺญสฺสามีตินฺทฺริยญฺจ ภาวิตฺถ จกฺขุนฺทฺริยญฺจ ปริชานาติฯ

(ก) โย จกฺขุนฺทฺริยํ ปริชานาติ โส อญฺญินฺทฺริยํ ภาวิตฺถาติ? โนฯ

(ข) โย วา ปน อญฺญินฺทฺริยํ ภาวิตฺถ โส จกฺขุนฺทฺริยํ ปริชานาตีติ? โนฯ

(ก) โย จกฺขุนฺทฺริยํ ปริชานาติ โส อญฺญาตาวินฺทฺริยํ สจฺฉิกริตฺถาติ? โนฯ

(ข) โย วา ปน อญฺญาตาวินฺทฺริยํ สจฺฉิกริตฺถ โส จกฺขุนฺทฺริยํ ปริชานาตีติ? โนฯ (จกฺขุนฺทฺริยมูลกํ)

[460] (ก) โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ ภาวิตฺถาติ? อามนฺตาฯ

(ข) โย วา ปน อนญฺญาตญฺญสฺสามีตินฺทฺริยํ ภาวิตฺถ โส โทมนสฺสินฺทฺริยํ ปชหตีติ?

ฉ ปุคฺคลา อนญฺญาตญฺญสฺสามีตินฺทฺริยํ ภาวิตฺถ, โน จ โทมนสฺสินฺทฺริยํ ปชหนฺติฯ อนาคามิมคฺคสมงฺคี อนญฺญาตญฺญสฺสามีตินฺทฺริยญฺจ ภาวิตฺถ โทมนสฺสินฺทฺริยญฺจ ปชหติฯ

(ก) โย โทมนสฺสินฺทฺริยํ ปชหติ โส อญฺญินฺทฺริยํ ภาวิตฺถาติ? โนฯ

(ข) โย วา ปน อญฺญินฺทฺริยํ ภาวิตฺถ โส โทมนสฺสินฺทฺริยํ ปชหตีติ? โนฯ